November utfordring, Papir i Hjertet.

I november fekk vi i DT i utfordring å lage eit prosjekt med heimelaga bakgrunn. Tenkte lenge på utfordringa før eg fann ut kva eg skulle lage, med hjelp av gesso, broken china “distress ink” og snøfnugg blei det skapt ein bakgrunn med inspirasjon av vinter.

Steg for steg beskriving:

Steg 1: Skjær til eit bakgrunnark i ønska storleik. Her ca 10 x 10 cm.

Steg 2: Trykk ut snøfnugg i ulike storleikar (ta vare på restane), ta ein liten bit med tape på baksida av kvart snøfnugg og plasser dei der du ønskjer å ha dei på bakgrunnsarket.

Steg 3: Bruk ein svamp eller liknande og dekk heile arket med ønska farge. Her Broken China frå distress ink. Ta gjerne litt ekstra farge i kantane for ekstra dybde.

Steg 4: Fjern alle snøfnugga frå arket (Snøfnugga kan du ta vare på og bruke til dekorering seinare).

Steg 5: Bland kvit gesso med ønska farge, her broken China “distress ink”. 

Steg 6: Bruk restane frå du trykte ut snøfnugga som ei maske for eit nytt lag med snøfnugg. Bruk ein “gammal” pensel og dytt gessoen rundt maska. Skift ut maska før den blir gjennomvåt (blir den for våt blir “trykka” stygge og rufsete).

Ferdig bakgrunn:

Ferdig kort med heimelaga bakgrunn:

På kortet har eg tatt gesso på kantane av bakgrunnsarket. Snøfnugga som blei brukt som maske fekk eit lag med glitterlim og blei brukt som pynt.

Håper de fekk glede av steg for steg beskrivinga mi og sjølv prøver de på å lage ein heimelaga bakgrunn. Legg gjerne igjen link til prosjektet dykkar slik at eg får tatt eit titt.

Ha ein fantastisk dag vidare.